Футбол алаңына баруға тыйым салынған жанкүйер қыз өз-өзіне қол жұмсады

0
55

Иранда 1981 жылдан бастап ерлер ойнайтын футболға әйел адамдардың тамашалауына тыйым салынған.


Футбол алаңына баруға тыйым салынған жанкүйер қыз өз-өзіне қол жұмсады

ERNUR.KZ. Иранда футбол жанкүйері Сахар Ходаяри сот ғимаратының алдында өз-өзіне қол жұмсады, деп жазады tengrinews.kz.

Басылым мәліметінше, 30 жастағы Ходаяри футбол матчына қатысуға тыйым салынғаны үшін және осы әрекеті үшін сотталуы мүмкін болған соң қарсылық білдірген. Әйел адам ауруханаға жеткізілген уақытта оның денесі 90 пайызға күйіп қалған, соның салдарынан қайтыс болды.

Халықаралық футбол федерациясы (ФИФА) жанкүйер қыздың қайтыс болуына байланысты көңіл айтты. Ұйым басшылығы Иран билігін барлық әйелдерге еркіндік пен қауіпсіздікті қамтамасыз етуге шақырды.

Биыл наурызда Ходаяри азиялық Чемпиондар лигасында жанкүйерлік ететін жергілікті "Эстегляль" мен БАӘ-нің "Аль-Айн" командасына қарсы ойынға қатысқан еді.

Иранда 1981 жылдан бастап ерлер ойнайтын футболға әйел адамдардың тамашалауына тыйым салынған. Осыған байланысты қыз бала қамауға алынды, оны екі жылға бас бостандығынан айырылуы мүмкін еді.


Айтар жаңалығыңыз, бөлісер оқиғаңыз болса, +77752327733 whatsapp нөміріне жіберіңіз

Пікір қалдыруыңыз үшін сайтқа кіруіңіз қажет