7 қазанда таңертең Израиль жаппай зымыран шабуылына ұшырады.
ERNUR.KZ. Израиль мен Палестина арасындағы қақтығыс өршіген кезде құрбан болғандар саны екі мыңнан асты, деп жазады tengrinews.kz.
Әскерилердің мәліметінше, палестиналық ХАМАС тобының Израильге жасаған шабуылы салдарынан қаза тапқандар саны 1200 адамнан асқан, 3000-ға жуық адам жараланған, ұрланған және Газа секторына жеткізілген 150-ге жуық адамның тағдыры әлі белгісіз.
"Палестиналық ХАМАС лаңкестік тобының Израильге жасаған соққысынан қаза тапқандар саны артып келеді, сәрсенбіде таңертеңгі жағдай бойынша 1200-ден асты", - делінген хабарламада.
Елдің Денсаулық сақтау министрлігі мәліметінше, бұған дейін шабуыл кезінде 2901 адамның жараланған, 500-ден астамы әлі де ауруханада жатыр, оның ішінде 26 адамның жағдайы ауыр және 340 адам - қиын жағдайда.
Еске сала кетейік, 7 қазанда таңертең Израиль жаппай зымыран шабуылына ұшырады. Елдің қорғаныс күштерінің мәліметінше, Израильге екі мыңнан аса зымыран атылған. Сонымен қатар, палестиналық ХАМАС қозғалысының ондаған жауынгері елдің шекаралас аймақтарына кірген.
