25 қыркүйекте сағат 06.00 (08.00 Астана) жағдай бойынша Таулы Қарабақтан Арменияға 2906 адам кірді.
ERNUR.KZ. Бұл туралы Армения үкіметінің баспасөз қызметі хабарлады, деп жазады inbusiness.kz.
Сюник облысының Корнидзор ауылының ауданына келген 2100-ден астам адам бойынша тіркеу аяқталды, тағы 794-тен қажеттіліктерді бағалау жалғасып жатыр. Аталған 2100 адамның 1000-ға жуығы өздері атаған тұрғылықты жерлеріне барды (негізінен Армениядағы туыстарының жанында. - Ред), қалған 1100-не орынды Республика Үкіметі берді.
Армения үкіметі өткен аптада Таулы Қарабақтағы дағдарысты еңсеру үшін Корнидзор ауылында (Лачинский дәлізіне кіре берісте) "гуманитарлық станция" ашты.
Армения аймақтағы этникалық қудалаудан қорқатын Таулы Қарабақтан келген барлық босқындарды қабылдайды. Бұл туралы өткен жексенбіде премьер-министр Никол Пашинян азаматтарға үндеуінде мәлімдеді.
