Қырғыз-өзбек шекарасында жол апатынан 8 адам көз жұмды

0
442

Оқиға орнында бес адам көз жұмды, тағы екеуі ауруханаға жетпей, жан тапсырды.


Қырғыз-өзбек шекарасында жол апатынан 8 адам көз жұмды

ERNUR.KZ. Қырғызстан мен Өзбекстанның шекарасында жүк көлігі бірнеше автокөлікке соқтығысып, кезекте тұрған адамдарды басып өтті, деп жазады Sputnik Қырғызстан.

Оқиға орнында бес адам көз жұмды, тағы екеуі ауруханаға жетпей, жан тапсырды.

Артынан төтенше жағдайлар министрлігі жүк көлігінде болған тағы бір адамның көз жұмғанын хабарлады. Жүргізуші екеуі құтқарушы болып жұмыс істеген. "HOWO 6×4" жүк көлігімен сел болған жерге бара жатқан.
Қырғызстан жағында орналасқан "Чечме" шекара өткізу бекетінде экскаватор тиелген трал тоқтамай, алдымен кезекте тұрған көліктерді жайпап өткен. Одан кейін бақылау-өткізу бекетінің жанындағы адамдарды басып кеткен.
Милицияның мәліметіне сәйкес, жүк көлігінің тежегіші істемей қалған. Сегіз адам көз жұмды. Олардың ішінде тралдың жүргізушісі де бар.
Арнайы техника төтенше жағдайлар министрлігіне тиесілі. Оны Кадамжай ауданындағы Божой ауылына селдің салдарын жоюға жіберген. Әлеуметтік желіде оқиға орнында түсірілген видео тарады.

Жол апатынан бес адам жарақат алды. Олардың арасында екі бала бар. Барлығы Айдаркен ауруханасының хирургиялық бөліміне жатқызылды.