Осыған байланысты 5 құтқарушы оқиға орнына арнайы көлікпен шықты.
ERNUR.KZ. Қырғызстанның Жалал-Абад облысында қар көшкіні болған жерде екі адам іздестіріліп жатыр, деп жазады ҚазАқпарат.
Елдің Төтенше жағдайлар министрлігінің хабарлауынша, 16 ақпанда Ала-Бука - Жаны Базар - Кировка тасжолының 80-90 шақырымында қар көшкіні жүріп, бұл учаскеде Mercedes-Benz шағын автобусының жүргізушісі мен жолаушысы қалып қойған.
Оқиға орнына Чатқал аудандық мемлекеттік әкімшілігі басшысының орынбасары, құтқарушылар мен ДЭУ жүк көлігі аттанған-ды.
Алайда, қар көшкіні жүру қаупі жоғары болғандықтан жұмыс тоқтатылды.
Шағын автобус жүргізушісі 16 ақпан күнгі сағат 17:30-дан бері байланысқа шықпаған.
Осыған байланысты 5 құтқарушы оқиға орнына арнайы көлікпен шықты.
Алайда жол учаскесіне көлікпен жету қиындық тудыруына байланысты іздеу жұмысын жалғастыру үшін жаяу жүруге тура келді.
