Наргиз Мохаммади Нобель сыйлығын 2023 жылы иеленген.
ERNUR.KZ. Иран белсендісі, Нобель сыйлығының иегері Наргиз Мохаммади осы дүйсенбіде өзі отырған түрмеде аштық жариялады. Ол Иран саясаты мен түрмедегі жағдайға наразылық білдірген, деп жазады stan.kz.
Наргиз Мохаммади Нобель сыйлығын 2023 жылы иеленген. Ол Ислам Республикасының науқас тұтқындарға медициналық көмек көрсетуді кешіктіру және одан бас тарту саясатына, сондай-ақ исламдық хиджабты міндетті түрде киюге наразылық білдірген.
Қоғам белсендісінің адвокаты бірнеше ай бұрын Наргизді жүрек және өкпе ауруларын емдету үшін мамандандырылған ауруханаға ауыстыруды сұраған. Алайда басшылық бұл өтініштен бас тартты.
Наргиз Мохаммади Махса Амини өлтірілгеннен кейін үкіметке қарсы бірнеше шеруді басқарды. Ол бірнеше рет ұсталды, қазір түрмеде.
