Оның негізгі себебі – газ құбырындағы апат.
ERNUR.KZ. Өзбекстанның Сурхандария облысында магистральдық газ құбырында апат болды, деп жазады inbusiness.kz.
"Бүгін Бандихан ауданының аумағы арқылы өтетін" Музработ-Душанбе" магистральдық газ құбырының 101-190 км учаскесінде апат орын алды", — делінген хабарламада.
Қазір облыстың басым бөлігі көгілдір отынсыз жағдайда отырғаны атап өтілді.
Баспасөз қызметінің мәліметінше, сағат 06:30-дан бастап Термез облыстық орталығында және облыстағы 15 ауданның тағы тоғызында көгілдір отын беру тоқтатылды.
"Қазіргі уақытта, төтенше жағдайларды жою және табиғи газ беруді қалпына келтіру шаралары жүргізіліп жатыр", - деп қосты облыстық әкімшілікте.
