Ұшақ ауыл сыртындағы алқапқа құлады, жергілікті тұрғындар ұшқыштарға алғыс айтты.
ERNUR.KZ. Белгород облысында апатқа ұшыраған Ил-76 әскери ұшағының бортында болғандардың барлығы қаза тапты, деп хабарлады аймақ басшысы Вячеслов Гладков. Оның айтуынша, ұшақ құлаған жер қоршауға алынған, деп жазады sputnik.kz.
"Корочанск ауданында ұшақ апатқа ұшырады. Ол елді мекеннің жанындағы егістік алқапқа құлады. Борттағылардың барлығы қаза тапты", - деп жазды ол Telegram арнасында.
Оның айтуынша, ұшақ құлаған жер қоршауға алынған. Барлық жедел қызметтер оқиға орнында жүр, тергеу шаралары жүргізілуде. Апаттың себептерін анықтау үшін комиссия апат болған жерге жіберіледі.
Ил-76 ұшағы жоспарлы рейсті орындау кезінде Белгород облысында апатқа ұшырады, деп хабарлады бұған дейін Ресей қорғаныс министрлігі.
Ведомствоның мәліметінше, бортында экипаждың алты мүшесінен басқа Украинаның тұтқынға алынған 65 әскери қызметкері және олармен еріп жүруші үш адам болған.
