Сауд Арабиясында әйелдерге өздігінен саяхаттауға рұқсат берілді

0
885

Сауд Арабиясында әйелдерге қоғамдық көлікте жүруге және саясатпен айналысуға тыйым салынған.


Сауд Арабиясында әйелдерге өздігінен саяхаттауға рұқсат берілді

ERNUR.KZ. Заңнамаға енгізілген өзгерістерге сай әйелдер енді күйеулері мен қамқоршыларының міндеттелген келісімінсіз ел аумағынан шыға алады, деп жазады baq.kz.

Бұған дейін Сауд Арабиясында әйелдер мен 21 жасқа дейінгі ер адамдарға шетелге шығу үшін қамқоршыларының рұқсаты талап етілген. Жаңа өзгерістерге сәйкес әйелдер енді шетелдік паспорт алу үшін өздігінен құжат тапсыра алады.

«Сауд Арабиясында шетелдік паспорт алу үшін өтініш жазған адам оны заңнама актілеріне сәйкес ала алады», - делінген түзетуде.

Айта кетейік, Сауд Арабиясы әйелдер құқығына консервативті түрде қарайтын ел. Онда әйелдерге қоғамдық көлікте жүруге және саясатпен айналысуға тыйым салынған. Дегенмен, соңғы жылдары Таяу Шығыс елдеріне гендерлік саясатты жеңілдету тенденциясы байқалады.
Жақында әйелдерге көлік жүргізуге, спорт залдар мен футбол стадиондарына баруға, мейрамханаларға баруға және өз бизнесін ашуға рұқсат берілді.