Шахтадағы өткел қабырғасы қирап, 6 кенші қаза тапты

Грузияның Ткибули қаласындағы көмір шахтасында 6 кенші қаза тапты,-деп хабарлайды 24.kz.

Тағы 3 адам жарақат алған. Бұл туралы елдің Ішкі істер министрлігі хабарлады. Алдын ала дерек бойынша шахтадағы өткел қабырғасы қирап, төбесі опырылып құлаған. Қазір мамандар құтқару жұмыстарын жүргізіп жатыр. Оқыс оқиғаға қатысты тергеу басталып та кетті.