Сібірге су тасқынының екінші толқыны келді – 475 үй су астында қалды

0
75

Тасқынның алғашқы толқынында Ия өзенінің деңгейі 13 метрге жеткен.


Сібірге су тасқынының екінші толқыны келді – 475 үй су астында қалды

ERNUR.KZ. Ресейдің Иркутск облысында толассыз жауған нөсерден кейін 27 шілдеде басталған су тасқыны 20 елді мекендегі 475 үйді шайып кетті, деп жазады ҚазАқпарат.

«Облыстың сегіз ауданын су басты. 20 елді мекендегі 475 үй су астында қалды. Онда тұратын 2 мың 699 адам, соның ішінде 653 бала зардап шекті. Бұдан тыс, 657 үйдің ауласы, әлеуметтік маңызы бар екі нысан, бір автомобиль көпірі, автожолдардың үш учаскесін де су басқан», - деп мәлімдеді ТЖМ өңірлік бас басқармасының баспасөз қызметі.

Нөсер салдарынан Кирей, Ия, Олха, Катаржанка, Солзан, Харлахта, Ока, Тойсук және Хорка өзендерінің су деңгейі көтерілген. Ия өзенінің ең көп зардап шеккен Тулун қаласының маңындағы бөлігінде су деңгейі 9,9 м жеткен, ал шектік меже 7 м болатын.

Айта кетейік, тасқынның алғашқы толқынында Ия өзенінің деңгейі 13 метрге жеткен. Сол кезде 887 тұрғын үй су астында қалып, 835 адам эвакуацияланған еді.


Айтар жаңалығыңыз, бөлісер оқиғаңыз болса, +77752327733 whatsapp нөміріне жіберіңіз

Пікір қалдыруыңыз үшін сайтқа кіруіңіз қажет