Жол апаты орын алғанда АҚШ Президент Джо Байден әйелі Джилл Байденмен бірге Уилмингтон орталығындағы сайлауалды штаб-пәтерінен шығып келе жатқан.
ERNUR.KZ. Дэлавер штатында АҚШ Президенті Джо Байденнің кортежіндегі көліктердің біріне белгісіз жүргізуші келіп соғылған. Америкалық көшбасшы мен оның жұбайы дін аман, деп жазады Zakon.kz.
Жол апаты орын алғанда АҚШ Президент Джо Байден әйелі Джилл Байденмен бірге Уилмингтон орталығындағы сайлауалды штаб-пәтерінен шығып келе жатқан. Ақ үйдің баспасөз қызметінің мәліметінше, Делавэр штатының нөмірін таққан асфальт түсті жеңіл көлік штабтың кіреберісіне қарама-қарсы көше қиылысын жапқан кортежге келіп соғылған сияқты.
Соққының даусы қатты шыққан, бұл уақытта өз көлігіне жақындаған АҚШ Президенті жан-жағына таңырқап қарап қалған. АҚШ құпия қызметінің агенттері жол-көлік оқиғасын жасаған жүргізушінің көлігін дереу қоршап алып, оған қару кезеген. Ол бірден қолын жоғары көтерді.
