13 мамыр күні Дональд Трамп Ақ үйде мұсылман қауымға ауызашар жасады.
ERNUR.KZ. Америка Құрама Штаттарының президенті Дональд Трамп мұсылман елдерінің елшілері мен дипломаттарына Рамазан айында ауызашар беріп, Ақ үйде қабылдау үлкен мәртебе екенін жеткізді, деп жазады ktk.kz.
Президент соңғы апталарда Жаңа Зеландия, Шри-Ланка және Америка құрама штаттарындағы мұсылмандарға, христиандарға және еврейлерге жасалған шабуылдарға байланысты түрлі дін өкілдері үшін "өте қиын кезең" болғанын айтты. Трамп екінші жыл қатарынан Ақ үйде ауызашар жасап отыр. АҚШ-тың Трампқа дейінгі үш президенті де жыл сайын Рамазан айында Ақ үйде ауызашар жасауды дәстүрге айналдырған.
