Әсіп - қазақтың пайдалы әрі дәмді деликатестерінің бірі. Қазіргі таңда әсіпті "үй шұжығы" деп те айтып жүр. "Үй шұжығының" дайындалуына назар салыңыздар!
Қажетті қоспалар:
- Қойдың өкпесі мен жүрегі тұтастай
- 300 гр. фарш
- 150 гр. күріш
- 1 л су
- 500 гр. пияз
- 1 дана сәбіз
- Дәміне қарай тұз, бұрыш
- 5-6 тіс сарымсақ
- 3 м қойдың, сиырдың ішектері.
Дайындау тәсілі:
- Ең алдымен ішектерді тазалап жуып, аударып алу қажет. Содан соң өкпені қарапайым суға салып, қайнатып пісіріп аламыз. Суыған соң өкпені турап, еттартқыштан өткізу керек.
- Сондай-ақ әсіпке қосылатын жүрек пен сарымсақты да еттартқыштан өткізген дұрыс. Күрішті алдын-ала 10-15 минут жылы суға салып қойыңыз. Артынша қабығы аршылған пияз, сәбізді де еттартқыштан өткізіңіз.
- Енді барлық қоспаларды бір ыдысқа салып, фаршты, қосып, дәміне қарай тұз,бұрыш араластырып, дайындап аласыз. 1 литр су қосып, тағы да жақсылап бір араластырып алу керек. Егер су қоспасаңыз, күріш ісінген уақытта ішек жарылып кетуі мүмкін.
- Дайын фаршты ішекке салып, содан соң байлап шығу керек. Шамамен әрбір әсіпті 1 қарыстай ұзындықта алып, байлай бересіз. Сонда барлық әсіп біркелкі болып шығады. Әсіпті манты қазанға салып 1,5 сағаттай пісіресіз.
Дайындаған: Құрманкүл Өмірзаққызы,
Тағы да оқыңыз:
