Жазда қысқы дөңгелекпен жүрген жүргізушілерге 5 АЕК айыппұл салынады.
ERNUR.KZ. Қысқа арналған дөңгелекпен жазда жүру өте қауіпті. Бүртабан (шипы) дөңгелек асфальтта тайғанақтайды, жұмсақ "жабысқақтар" (липучка) күн ыстықта күтпеген мінез көрсете салуы мүмкін, деп жазады zakon.kz.
Сол себепті Кеден одағының "Дөңгелекті көлік құралдарының қауіпсіздігі туралы" техникалық регламенті мен ҚР Жол ережесі жазда (маусым, шілде, тамыз) қысқы дөңгелектерді пайдалануға тыйым салады.
Әкімшілік кодекстің 590 бабы 5 б. мұндай ереже бұзушылық үшін 5 АЕК (14 585 теңге) айыппұл салуды көздейді. (Жыл ішінде жазда қысқы дөңгелекпен жүргені үшін екінші рет ұсталғандар – 20 АЕК айыппұл төлейді).
