Әжей хип-хоп биінің үйірмесіне де жазылып қойған.
ERNUR.KZ. Алматыда жұрттың көңілін заманауи әнмен көтеріп, танымал болған 65 жастағы "диджей" әжей басқа өңірлерге гастрольдік сапармен шықпақшы деп жазады astanatv.kz.
Электромеханикалық аспап, музыкалық баған, қара көзілдірік пен заманауи хит әндер. Семей қаласының тумасы 65 жастағы әжейдің қазіргі кейіпі осындай. Елге «А.К.А Kempir» атты лақап атпен танылған ол шын есімін жалпақ жұртқа жария еткісі жоқ.
"Шуткамен болып қалып еді, «бір құрдастар ей кемпір сенен не шығады деген сияқты, мен шығарамын дедім ал енді сонымен кемпір болып шыға келдім. Неге шығармасқа. бұған дейін өзіміздің бір дүкеніміз болған азық-түлікті. Сонда жұмыс істедім көп жыл. Қарапайым сатушы ғой" - дейді А.К.А «KEMPIR».
Осылайша, егде жастағы келіншек бала күнгі арманын жүзеге асыруды жөн көрген. Айтуынша, төрт немересі де музыкант. Олардың да ықпалы болғанын жасырмайды. Бұдан екі апта бұрын қаладағы Арбат алаңына жиналған жұрттың назарын өзіне аударған болатын. Сол сәттен бастап, жұлдызы жанған.
"Біздің кезімізде өмірі Арбатқа жастар жиналады ғой, кісі көп жүреді. Біреу ән салады, бәрімізде көріп қызықтап тұрамыз ғой. Сосын мен балаларға айттым «мен Арбатқа барып бір рет ойнасам қайтеді» деп ем, олар көмектесті, мен ойлағам жәй бір кішкене ойнап кетеміз деп халық жиналып кетті мен содан рахатттанып қуанып кеттім" - дейді А.К.А «KEMPIR»
Осы күннен бастап, қаладағы түңгі клубтар мен қымбат мейрамхана басшыларынан ұсыныстар түсе бастаған. Бір аптада төрт-бес мекемені аралап, жұртты заманауи әндермен билеткен зейнеткер қазіргі өмірім өзіме ұнайды дейді.
"Қазір турға дайындалып жатырмын, қазақстан бойынша 06/53 қазақстаның клубтарын көріп, аралап жастарын көріп қандай екенін. Сұраныстар болып жатыр өйткені" - дейді А.К.А «KEMPIR».
Көпшілікті өнерімен тәнті еткен әжейдің алдағы жоспары осы. Тіпті хип-хоп биінің үйірмесіне де жазылып қойған. Киімдерін де кең балақты, түрлі-түсті заманауи киімдермен де ауыстырып жатыр.
