"Неведомый мир" композициясына түсірілген бейнебаян марапатқа ие болды.
ERNUR.KZ. Қазақстандық режиссер Айсұлтан Сейітовтың рэп орындаушы Масло черного тмина (қазақстандық музыкант Айдын Нұралин) әніне түсірген клипі "Жылдың үздік музыкалық видеосы" номинациясында BooooooomTV Awards 2020 марапатына ие болды, деп жазады Tengrinews.kz.
Айсұлтана Сейітов "Неведомый мир" композициясына жасаған жұмысы үшін марапатқа ие болды.
"Айсұлтан Сейітов - алматылық режиссер, Қазақстан. Бізді біраз уақыт бақылап жүрсеңіз, онда соңғы екі жыл бойы сайтта жарияланған қазақстандық рэп орындаушы Масло черного тминаға арналған Сейітовтың жұмысын көрген боларсыз. Бізге бейтаныс әлемнің контентін ғана емес, олардың ерекше бірлескен жұмысын көру біз үшін үлкен қуаныш. "Неизвестный мир" таңғажайып бейнелерді біріктіреді. Қараңғы визуализация өткен ғасырда посткеңестік елдер бастан өткерген мұнай ұңғымаларындағы апаттарды баяндайды", - делінген сайттағы клиптің сипаттамасында.
Айсұлтан Сейітов пен Масло черного тмина соңғы бірнеше айда бірден үш бірлескен жұмысын көпшілікке бөлісті.
Қалған номинант клиптерін мына сілтемеден көруге болады.
Booooooom.com өзін өнер мен мәдениет туралы айтатын жаһандық платформа ретінде көрсетеді. Ванкуверде, Канадада орналасқан.
