ұланды балабақшасының бухгалтері кәсіпкерлермен ойдан шығарылған мәмілелер жасай отырып, туыстарының шотына ақша аударған.
ERNUR.KZ. Ақмола облысында балабақша мен мектеп есепшілері 83 миллион теңгеден астам қаржы ұрлады деген күдікке ілінді. Олар 12 жылға бас бостандығынан айырылуы мүмкін, деп жазады zakon.kz.
10 шілде күні Ақмола облысы прокуратурасының мәліметінше, білім беру саласында қызмет еткен есепшілер аса ірі мөлшерде ақша ұрлады деп күдіктелді.
Тергеу мәліметінше, Бұланды балабақшасының бухгалтері кәсіпкерлермен ойдан шығарылған мәмілелер жасай отырып, туыстарының шотына ақша аударған. Аударымдарды шынайы етіп көрсету үшін бухгалтер тауарларды жеткізуге келісім-шарттар жасалған кәсіпорындардың атауларын көрсеткен. Банктік шоттар оның жақын туыстарына рәсімделіп, бухгалтер жұмыс істеген кезеңде барлығы 47 млн теңге аударылған.
"Осы фактілер бойынша қылмыстық істер ҚК-нің 189-бабы, 2-тармағының 4-бөлігі (аса ірі мөлшерде ұрлау) бойынша тіркелді, күдіктілерді Ақмола облыстық прокуратурасының арнайы прокурорлары және Ақмола облысы бойынша экономикалық тергеу департаменті тергеп жатыр", – делінген облыстық прокуратура таратқан хабарламада.
Қадағалаушы орган бұл бап бойынша жаза белгілі бір лауазымдарды атқаруға немесе белгілі бір қызметпен айналысуға тыйым сала отырып, 12 жылға дейін бас бостандығынан айыруды көздейтінін ескертті.
