​Ақмола облысында теміржол стансасында бала тоққа түсіп қайтыс болды

0
48

Қаза тапқан баланың әпкесінің айтуынша, қайғылы жағдай 11 сәуірде Ирченко стансасында орын алған.


​Ақмола облысында теміржол стансасында бала тоққа түсіп қайтыс болды

ERNUR.KZ. Ақмола облысында бір бала тоққа түсіп көз жұмды, деп жазады Zakon.kz.

Қаза тапқан баланың әпкесінің айтуынша, қайғылы жағдай 11 сәуірде Ирченко стансасында орын алған.

- Балалар мектеп аумағында сенбілікке шыққан (мектеп теміржолға қарама қарсы тұр). Бірақ неге екенін, теміржолдың аумағын қоқыстан тазалауға шыққан. Балалар вагонға кім бірінші мінеді өзара таласып, сол жерде бірнеше күннен бері тұрған вагонға қарай жүгірген. Вагонга бірінші болып біздің жалғыз ініміз кірді, қолын тартып алып үлгермеді, сол сәтте-ақ тоқ соғып қайтыс болды. 2004 жылы туған жалғыз ініміз еді, 7 мамырда 15-ке толар еді. Вагонга одан кейін екінші болып кірген бала тоқ соққаннан жарақат алды. Ол бала Атбасар ауруханасында емделуде, оның денсаулығы қалай болатыны белгісіз. Үшінші бала вагоннан сыртқа секіріп үлгеріпті, – деп айтып берді баланың әпкесі.

Полиция департаментінің баспасөз қызметі бұл деректі растады.

– Қазір тексеру жүріп жатыр. Тергеу мүддесіне сай, өзге ақпаратты әзірге жариялай алмаймыз, – деді көліктегі ПД.


Айтар жаңалығыңыз, бөлісер оқиғаңыз болса, +77752327733 whatsapp нөміріне жіберіңіз

Пікір қалдыруыңыз үшін сайтқа кіруіңіз қажет