Ақмолада 72 жастағы зейнеткер жасөспірімді соғып мерт қылды

0
90

Оқиға қыркүйектің 18-де Степногор қаласында орын алған.


Ақмолада 72 жастағы зейнеткер жасөспірімді соғып мерт қылды

ERNUR.KZ. Ақмола облысында 72 жастағы қария көлігімен мотоцикл айдаған жасөспірімді соғып мерт қылды, деп жазады ҚазАқпарат.

Ведомствоның мәліметінше, оқиға қыркүйектің 18-де Степногор қаласының Бестөбе кентіндегі Мир және Покрышкин көшелерінің қилысында орын алған.

«Оқиға орнына барған тәртіп сақшылары кешкі сағат 18:40-та Бестөбе кентінің 72 жастағы тұрғыны «Mitsubishi RVR» көлігімен «Racer» мотоциклін тізгіндегін 15 жастағы жасөспірімді қағып кеткенін анықтады. Зейнеткер Мир көшесінен Покрышкин көшесіне бұрыла бергенде мотоциклге жол бермеген. Осының салдарынан 15 жастағы жасөспірім ауруханада көз жұмса, оның жолаушысы 16 жастағы мектеп оқушысы жабық миы жарақаты, бұғана сынығы сияқты түрлі дене жарақатымен ауруханаға жатқызылды. Автокөлік жүргізушісінің ішімдік ішпегені анықталды», - дейді ведомствоның баспасөз қызметі.

Қазіргі кезде адам өліміне әкеліп соқтырған жол апатына қатысты ҚР ҚК 345-бабының 3 бөлігі бойынша іс қозғалып, сотқа дейінгі тергеу жүргізіліп жатыр.


Айтар жаңалығыңыз, бөлісер оқиғаңыз болса, +77752327733 whatsapp нөміріне жіберіңіз

Пікір қалдыруыңыз үшін сайтқа кіруіңіз қажет