Алмас Кішкенбаевтың ажырасқанын естіген анасы инсульт алған (видео)

07.04.2021 16:02

1 940

Алмастың ажырасуы әншінің анасына да ауыр соққан.

фото: ғаламтордан ашықдереккөзден

Қазақстандағы алғашқы музыкалық телевизиялық музыкалық шоу – Superstarkz-тің жеңімпазы әнші Алмас Кішкенбаев шығармашылығы, сахнадан неге көрінбей кеткені жайында «Ең алғашқы» бағдарламасына ақтарыла сұхбат берді, деп хабарлайды ERNUR.KZ Еуразия бірінші арнасына сілтеме жасап.

Superstarkz жеңімпазы танымал байқаудан кейін продюсер Ләйля Сұлтанқызымен жұмыс жасап, сапалы әндер, бейнебаяндар түсіріп, бір демде бүкіл ел танитын жарық жұлдызға айналды. Алайда жеке өміріндегі сәтсіздіктер оның шығармашылығына да салқынын тигізді. Шаңырағының шайқалуы, артық салмақ, алып-қашпа әңгімелер Алмас Кішкенбаевты терең күйзеліске ұшыратты.

Алмастың ажырасуы әншінің анасына да ауыр соққан. Жайсыз хабарды естіген анасы тіпті инсульт алған.

«Алмасты анасы жеткізді, осында (ред. еск. – Қызылорда) үйлену тойын жасады. Алмастың ажырасқанын естігенде екінші рет инсульт алды, сөйлемей қалды. Қатты жылады. «Мөлдірдің берген уәдесі қайда?» деді. Кезінде махаббат сезімі болған шығар. Бар кезде батып ішті, Алмас қатты қиналғанда неге оған демеу бермеді? Оны жақсы көргені қайда? Неге ол екі қызды екі көзін жылтыратып, жетім қылып қояды?» - деп көзіне жас алды Алмастың анасының көршісі Роза Құрбанқызы.

Әлі де жүрек жарасы жазылмаса керек, әншінің өзі бұл тақырып жайында ашылып айтудан бас тартты.