Алматы альпинизм федерациясы: Қырғызстандағы альпинистерді тірі күйінде табу мүмкіндігі жоқ

0
77

Жабайы асуынан барлық беткей мұқият зерттеліп, 6500-ден 4200 метрге дейін түсетін альпинистердің аумағы мұқият тексерілді.


Алматы альпинизм федерациясы: Қырғызстандағы альпинистерді тірі күйінде табу мүмкіндігі жоқ

ERNUR.KZ. Алматы альпинизм федерациясы альпинист Мұрат Өтепбаев пен Андрей Корнеевті тірідей табу мүмкіндігінің жоқтығын мойындады, деп жазады Stan.kz.

«Біз Мұрат Өтепбаев пен Андрей Корнеевті тірідей табуға мүмкіндіктің болмағаны үшін өкінеміз, соған қарамастан, қазақстандық тарап ертең тағы бір бақылау рейсін жасайды. Содан кейін іздеу-құтқару жұмыстары аяқталады. Барлық балаларымыздың туыстары мен достарына көңіл айтамыз. Александр Чечулин, Мұрат Өтепбаев және Андрей Корнеевтің өлімі бұл қазақстандық альпинизм үшін орны толмас қайғылы жағдай», - делінген федерацияның Facebook парақшасында.

Қазақстан альпинизм және спорттық альпинизм федерациясының бас хатшысы Қазбек Валиевтің хабар-ошарсыз кеткендерді іздеуге жеке атсалысатыны атап өтілді. Бүгін тікұшақ сегіз бұрылысты аяқтады. Жабайы асуынан барлық беткей мұқият зерттеліп, 6500-ден 4200 метрге дейін түсетін альпинистердің аумағы мұқият тексерілді.

Еске сала кетсек, бұған дейін алматылық үш альпинистің Қырғызстанда Тянь-Шань тауларында қар құрсауында қалып қойғанын хабарлаған едік.


Айтар жаңалығыңыз, бөлісер оқиғаңыз болса, +77752327733 whatsapp нөміріне жіберіңіз

Пікір қалдыруыңыз үшін сайтқа кіруіңіз қажет