Алматы облысында әжесі мен екі немересі өрттен көз жұмды

0
271

Үйді 2021 жылдан бері 8 адамнан тұратын отбасы жалдап тұрған.


Алматы облысында әжесі мен екі немересі өрттен көз жұмды

ERNUR.KZ. Алматы облысы Еңбекшіқазақ ауданы Космос ауылында үй өртеніп, үш адам қайтыс болды, деп жазады sputnik.kz.

"Оқиға 7 желтоқсанға қараған түні сағат 00:16-де болған. 90 шаршы метр алаңдағы жеке тұрғын үй өртенді. Үйдің қабырғалары қамыс, шатыры ағашпен торланған. Баспана 1961 жылы тұрғызылған. Үйді 2021 жылдан бері 8 адамнан тұратын отбасы жалдап тұрған", - делінген хабарламада.

Өрт сөндіру кезінде 1960 жылы туған әйелдің, 2018 және 2019 жылы туған ұлдардың мәйіті табылған.

Сондай-ақ өрттен қаза тапқан балалардың 1999 жылғы анасы, 2022 жылы туған нәресте, 1991, 1958, 2002 және 2004 жылы туған ер адамдар Есік қаласының ауруханасына жеткізілді.