Алматы облысында браконьерлердің 1 тонна балығы тәркіленді

0
63

7 қыркүйекте басталған "Браконьер" алдын алу іс-шарасының басты мақсаты – браконьерлікті болдырмау.


Алматы облысында браконьерлердің 1 тонна балығы тәркіленді

ERNUR.KZ. Алматы облысының тәртіп сақшылары "Браконьер" жедел алдын алу іс-шарасы барысында табиғат қорғау заңнамасын өрескел бұзудың 75 дерегін анықтады. Оның 18 дегері бойынша қолданыстағы заңнамаға сәйкес сотқа дейінгі тергеу амалдары жүргізілуде, деп жазады Zakon.kz.

"7 қыркүйекте басталған "Браконьер" алдын алу іс-шарасының басты мақсаты – заң талаптарының сақталуын қамтамасыз ету, браконьерлікті болдырмау. 12 күн ішінде заңсыз аң аулаумен айналысқан 3 тұлғаға, балық аулаған 2 тұлғаға және кесуге тыйым салынған ағаштарды кескен 13 адамға қатысты қылмыстық іс қозғалды. Сондай-ақ, 57 адамға әкімшілік хаттамалар толтырылып, айыппұлдар салынды", - деді Алматы облысы ПД Табиғат қорғау инспекторы Бағлан Рымжанов.

Табиғат сақшыларының ақпаратына сәйкес, бүгін Еңбекшіқазақ ауданының аумағында табиғат қорғау органдарымен бірлесе отырып, жергілікті тұрғынның Сібір елігін атып алу дерегі әшкереленген. Бұған дейін, осы ауданда жергілікті тұрғынды Қызыл кітапқа енгізілген 4 тоғай бұғысын атқаны үшін қылмыстық жауапкершілікке тарту шараларының қабылданып жатқаны туралы хабарланған.
"Осы іс-шара барысында 8 мылтық тәркіленді. 1 тоннадан астам балық, 12 текше метр ағаш тәркіленіп, олардан түскен қаражат мемлекеттің пайдасына аударылды", - деп атап өтті Б. Рымжанов.

Айтар жаңалығыңыз, бөлісер оқиғаңыз болса, +77752327733 whatsapp нөміріне жіберіңіз

Пікір қалдыруыңыз үшін сайтқа кіруіңіз қажет