Алматы облысында ер адамның ішінен 19 шеге шықты

22.02.2023 08:25

538

Ол ашуланып осылайша суицид жасамақ болған.

ERNUR.KZ. Алматы облысы Қарасай ауданы тұрғынының аш ішегінен 19 шеге шықты. Отаны Қарасай көпсалалы ауданаралық ауруханасының хирург-дәрігерлері жасады, деп жазады sputnik.kz.

Шизофрениямен ауыратын 39 жастағы ер адамның аш ішегінен ұзындығы 10 см болатын барлығы 19 шеге алынған. Науқас шеге жұтып қойған соң тек төртінші күні ғана дәрігер көмегіне жүгінген. Шұғыл түрде ота жасалды, қазір оның жағдайы қалыпты.

Былтыр 12 қыркүйекті науқас дәл осылай шеге жұтып қойып, тек үшінші күн дегенде дәрігерлерге қаралған. Оның айтуынша, ашуланып осылайша суицид жасамақ болған. Ол кезде де ұзындығы 10 см болатын 14 шегені дәрігерлер алып тастаған. Отадан соң науқас құлан-таза сауығып, ауруханадан шығарылған.