​Алматыда әкесі таспен ұрып тастап кеткен бала ауруханадан шықты

0
754

Балаға жарты жылдан соң бас сүйегіне операция жасалады


​Алматыда әкесі таспен ұрып тастап кеткен бала ауруханадан шықты


ERNUR.KZ. Алматының Шығыс айналма жолынан бас жарақатымен табылған төрт жасар бала ауруханадан шықты, деп жазады sputniknews.kz.

"Толық емдеуден өтіп, массаж және реабилитация курстарын алды. Баланың хәлі күн санап жақсарып келеді. Өзі жүріп, сөйлей бастады, онымен логопед жұмыс істеді. Бүгін баланы ауруханадан шығардық. Реабилитацияның екінші кезеңі үш айдан соң басталады", — деп мәлімет берді №2 клиникалық балалар ауруханасы бас дәрігерінің емдеу жұмыстары бойынша орынбасары Аида Аханбекова БАҚ-қа.

Кішкентай Мұхаммед өз бетімен жүріп-тұра алады, қазір сөйлей бастады. Жарты жылдан соң балаға тағы бір операция жасалып, бас сүйегінің консервіленген бөлшегі қайта салынады.

Еске сала кетейік, 16 шілдеде полицияға түскен мәлімет бойынша, баланы көлік қағып, жүргізуші бүлдіршінді көрпеге орап, жолға тастап кеткен. Төрт жасар Мұхаммед бірден аурухана жеткізілді. Жағдайы өте ауыр екені хабарланған болатын. Оған операция жасалды.

Полиция екі аптадан астам уақыт бойы жол апатына айыпты жүргізушіні іздеді. Алайда өткен сәрсенбі күні Алматы ішкі істер департаменті Мұхаммедтің әкесінің өз кінәсін мойындаған видеосын жариялады. Ол тіл алмаған баласының басынан таспен бір қойып, осы уақыт бойы полиция мен бүкіл халықты алдап келген екен.



Айтар жаңалығыңыз, бөлісер оқиғаңыз болса, +77752327733 whatsapp нөміріне жіберіңіз

Пікір қалдыруыңыз үшін сайтқа кіруіңіз қажет