Кадрларда жүргізушіні ұрған ер адам жол апаты болған жерден қалай қашпақ болғаны көрсетілген.
ERNUR.KZ. Әлеуметтік желіде Алматыда автобус жүргізушісіне шабуыл жасаған ер адамның ұсталған сәті түсірілген видео пайда болды, деп жазады tengrinews.kz.
Кадрларда жүргізушіні ұрған ер адам жол апаты болған жерден қалай қашпақ болғаны көрсетілген. Оны куәгерлер ұстап қалған.
Еске салайық, бұған дейін сот автобус жүргізушісіне шабуыл жасаған ер адамды екі айға қамауға алған болатын.
Қайғылы оқиға 22 желтоқсанда болған. Автобус №7 қалалық аурухана қарсысындағы аялдамада жиналған адамдарды қағып кетті. Жанжал кезінде 47-бағыттағы автобус жолаушысы жүргізуші әйелді ұрып жіберген. Ол есінен танып, көлікті басқара алмай қалған. Автобус аялдама маңындағы адамдарды қағып, төрт көлікпен соқтығысқан.
