Алматыда қарияларға зейнетақыны үйге жеткізіп береді

0
742

Алматыда 230 мың зейнеткер тұрады.


Алматыда қарияларға зейнетақыны үйге жеткізіп береді

ERNUR.KZ. Алматыда 70 жастан асқан қарияларға зейнетақыны үйге жеткізетін болады, деп жазады sputniknews.kz.

Бұған дейін "Қазпошта" АҚ арқылы 80-нен асқан қала тұрғындарына зейнетақаны үйге жеткізу қызметі болған. Енді, карантинге байланысты осы қызметті 70 жастан асқан зейнеткерлерге де көрсету жоспарланып отыр.

"Қазіргі кезде 70-тен асқан зейнеткерлердің тізімі жасалып жатыр. Біздің негізгі мақсатымыз – барынша көп адамды қамту. Сонда олар үйде отырады, зейнетақы алу үшін қалаға шықпайды, банкке бармайды. Адам көп жүретін жерде отырмайды. Бұдан да басқа бастамалар болады. Біз онымен шектелмейміз", - деді Тұяқбаев бүгінгі брифингте.

Оның айтуынша, Алматыда 230 мың зейнеткер тұрады.

16 наурызда коронавирусқа байланысты Қазақстанда төтенше жағдай режимі жарияланған болатын. Ал 19 наурыздан бастап Нұр-Сұлтан мен Алматыда карантин енгізілді.