Өрт көпқабатты үйдің шатырында қысқа тұйықталудан шыққан
ERNUR.KZ. Алматыда 14 қабатты үйдің шатыры өртенді, деп жазады ҚазАқпарат.
Қалалық ТЖД баспасөз хатшысы Сандуғаш Баймұхамбетованың айтуынша, 12:56-те өрт туралы хабарлама келіп түскен.
Кезекші пультіне Әуезов ауданы Науаи көшесі, 68 мекенжайындағы 14 қабатты ғимараттың шатырынан түтін шығып жатқаны туралы хабарлама келген. Өрт сөндірушілер оқиға орнына 5 минутта жетті.
Олар барғанда желдету жүйесінің жылыту материалдары отқа орана бастаған. Өрт күндізгі 13:11-де ауыздықталды.
Тілсіз жау 15 шаршы метр аумақты шарпыған. Өртенген үйден 73 адам, оның ішінде 7 бала қауіпсіз жерге көшірілді.