Жол апаты салдарынан екі жүргізуші мен бір жолаушы көптеген дене жарақатымен жақын маңдағы ауруханаға жатқызылды.
ERNUR.KZ. Алматының Райымбек даңғылы мен Казаков көшесінің қиылысында жаппай жол апаты болды. Салдарынан үш адам зардап шекті. Оқиға орнында полиция қызметкерлері жұмыс істеп жатыр, деп жазады sputniknews.kz.
Көптеген куәгердің айтуынша, Nissan Almera көлігі Райымбек даңғылымен батыс бағытта келе жатқан. Қиылыста жүргізуші белгісіз себеппен рөлге ие бола алмай қалған.
Салдарынан көлік жолдың қарсы бетіне шығып кетіп, Toyota-мен соқтығысқан. Содан кейін Nissan Almera бір шетке ұшып түсіп, басқа бір көлік – Mazda-мен соқтығысқан.
Даңғылдағы қозғалыс тоқтатылды. Апаттан үш адам зардап шекті – Nissan Almera жүргізушісі мен жолаушысы, сондай-ақ Mazda 626 жүргізушісі. Олар көптеген жарақатпен жақын арадағы ауруханаға жеткізілді. Полиция қызметкерлері апаттың мән-жайын анықтау үшін оқиға орнында жұмыс істеп жатыр.
![Қазақстанда](/assets/thumbnails/f2/f2cad61470e5aea8e5b53e70a6199c4b.jpg "Қазақстанда "Наурыз" атты жаңа тұрғын үй бағдарламасы іске қосылады")
