Асанәлі Әшімов «Ең үздік ер адам рөлі» жүлдесін иеленді

0
67

Анапа қаласында өткен «Киношок» кинофестивалінде марапатталды.


Асанәлі Әшімов «Ең үздік ер адам рөлі» жүлдесін иеленді

Театр және кино өнерінің майталманы Асанәлі Әшімов Ресейдегі «Киношок» халықаралық кинофестивалінде үздік ер адам рөлі жүлдесімен марапатталды, деп хабарлайды ERNUR.KZ ҚР Мәдениет және спорт министрлігінің сайтына сілтеме жасап.

Қазақ киносының мэтрі, КСРО халық артисі Асанәлі Әшімов режиссер Хуат Ахметовтың «Әруақ» фильмінде сомдаған рөлі үшін 2019 жылы қыркүйектің 1-і мен 8-і аралығында Анапа қаласында өткен «Киношок» кинофестивалінде үздік ер адам рөлі жүлдесімен марапатталды.

Мәдениет және спорт министрлігі тапсырысы бойынша Ш.Айманов атындағы «Қазақфильм» АҚ түсірген «Әруақ» фильмі екі кейіпкердің – Ағатай қарт пен жетім баланың кездейсоқ ұшырасуы туралы баяндайды.

Естеріңізге сала кетсек, «Әруақ» фильмі өткен жылы XIV Халықаралық «Еуразия» кинофестивалінің ашылу салтанатында көрсетіліп, биыл көктемде прокатқа шыққан болатын.

Айта кетсек, аталған кинофестивальдің негізгі байқауына қатысқан «Шырақшы» фильмі (реж.Ермек Тұрсынов) де екі бірдей жүлдеге қол жеткізді. Басты рөлді сомдаған актер Мұратжан Мұқажанов «Кино өнеріне адал кейіпкердің образын ғажап сомдағаны үшін» қазылар алқасының дипломымен марапатталса, фильмнің операторы Мартин Сечанов «Толықметражды фильмде үздік оператолық жұмыс үшін» жүлдесіне ие болды.

«Шырақшы» фильмі соғыстан оралған жауынгердің тарихын баяндайды. Оның қолында құтқарылған неміс қартының сыйы – ескі кинопроекторы бар. Өмірінің соңына дейін солдат сол кинопроектормен айырылмай жүреді...

Аталған фильмінің фильмінің әлемдік тұсаукесері үстіміздегі жылы маусым айында XXII Шанхай халықаралық кинофестивалінің аясында өтті.


Айтар жаңалығыңыз, бөлісер оқиғаңыз болса, +77752327733 whatsapp нөміріне жіберіңіз

Пікір қалдыруыңыз үшін сайтқа кіруіңіз қажет