Қылмыскерлер "Telegram" мессенджерінде ақпарат орналастыру арқылы Қазақстан аумағында есірткі сатуды жоспарлаған.
ERNUR.KZ. ҚМА астаналық департаменті бір топ адамға қатысты алдын ала сөз байласу арқылы ірі мөлшерде мемлекеттік шекара арқылы есірткі заттарын заңсыз өткізу дерегі бойынша қылмыстық істі аяқтады, деп жазады tengrinews.kz.
Еске салайық, елордада "бақыланатын жеткізу" жедел-іздестіру іс-шараларын өткізу кезінде АҚШ-тан пошта жөнелтілімдерінен ірі мөлшерде "марихуана" есірткі заттарын алған елорда тұрғындары ұсталып, УҰИ-на қамауға алынды.
"Қылмыскерлер "Telegram" мессенджерінде ақпарат орналастыру арқылы Қазақстан аумағында есірткі сатуды жоспарлаған. Сот үкімімен 2 азамат кінәлі деп танылып, 7 жылға және 8 жыл 4 айға бас бостандығынан айырылды", - делінген хабарламада.
