Астықтың кем жиналуы нан бағасына әсер ете ме – министр жауап берді

0
63

Ауыл шаруашылығы министрі астық көлемі ішкі нарықты қамтамасыз етуге жеткілікті болатынын айтты.


Астықтың кем жиналуы нан бағасына әсер ете ме – министр жауап берді

ERNUR.KZ. Биыл 1-1,5 тонна астық кем бастырылады, бірақ бұл нан бағасына әсер етпейді. Бұл туралы бүгін ауыл шаруашылығы министрі Сапархан Омаров айтты, деп жазады Sputnik Қазақстан.

"Нан жыл басынан бері қымбаттап жатыр дегенмен келіспеймін. Өйткені осы жылдың басында мен брифинг өткізіп, нан бағасын ұстап тұру үшін Азық-түлік корпорациясы нан пісіретін комбинаттарға 100 мыңнан 150 мың тоннаға дейін астықты төмен бағамен сататынын айтқан едім. Сол бидайдың 100 мың тоннасын саттық. Нанның бағасы содан бері тұрақты тұр", - деді Омаров үкімет үйінде өткен баспасөз мәслихатында.

Министр аптап ыстықтан биыл 1-1,5 миллион тонна астық кем бастырылатынын атап өтті.

"Кем жиналған астық ішкі нарыққа қатты әсер етпейді. Өйткені 19 миллион тонна астық бастырсақ, оның 9 миллионы ішкі нарықта қалады. Қалған 7-8 миллион тоннасын экспортқа шығарамыз, ар жағында тағы екі миллион тоннасы қалады. Оның үстіне былтырдан қалған 1,5 миллион тонна астық тағы бар. Бәрін қосқанда, астық көлемі ішкі нарықты қамтамасыз етуге жеткілікті", - деп сендірді ведомство басшысы.

Айта кетсек, республика бойынша дәнді дақылдар алқабы 15,2 миллион гектарды құрайды. Қазір оның 4,8 миллион гектары жиналды, бұл 31,7%.


Айтар жаңалығыңыз, бөлісер оқиғаңыз болса, +77752327733 whatsapp нөміріне жіберіңіз

Пікір қалдыруыңыз үшін сайтқа кіруіңіз қажет