Танымал актер "Ақ шашу" әніне қосылып ән салып, билеген.
ERNUR.KZ. Әлеуметтік желілерде аты аңызға айналған гонконгтық актер, каскадер, режиссер, продюсер, сценарист және экшн-режиссер Джеки Чанның шапанда түскен видеосы пайда болды. Кадрда танымал актер "Ақ шашу" әніне қосылып ән салып, билеген, деп жазады zakon.kz.
"Qazaqstan 24/7" Telegram арнасында жарияланған ақпаратқа қарағанда, Джеки Чан фильмді түсіру үшін Іле-Қазақ автономиялық округіне барған.
"Жергілікті қазақтар актерды қарсы алып, шапан жауып, айғырды сыйға тартты", - делінген хабарламада.
Qumash_kz Instagram паблигінің жазылушылары Джеки Чанның мұндай видеосына баға берді:
- «Өте сүйкімді»,
- «Жаным, Джеки»
- «Жәке Чанбаев»,
- «Джеки енді Жәке»
- «Ең құрметті Қытай азаматы»,
- «Ақ шашу» екенін түсініп тұрмын, бірақ қытайша әнді тыңдап тұрғандаймын»,
- «Қазақтардың ең маңызды миссиясының бірі – бүкіл әлемге шапан жабу»,
- «Адамның 75%-ы судан тұрса, Джеки шкафының 99%-ы - шапан».
Қытайда 1,5 миллионға жуық этникалық қазақ тұрады.
