Балалардың әкесі жедел жәрдем қызметінде жұмыс істейді, анасы азық-түлік алуға шығып кеткен.
ERNUR.KZ. Еңбек және халықты әлеуметтік қорғау министрі Светлана Жақыпова Аягөздегі өрт салдарынан 4 баланың қаза болуы жөнінде пікір білдірді, деп жазады inform.kz.
«Қазіргі уақытта комиссия жұмыс жүргізіп жатыр. Балалардың әкесі жедел жәрдем қызметінде жұмыс істейді, анасы азық-түлік алуға шығып кеткен. Балалар үйде жалғыз қалған. Негізі балаларды жалғыз қалдыруға болмайды. Бұған дейін Астанада, Жамбылда болған оқиғаға бәріміз куә болдық, қазір Аягөзде орын алды. Сондықтан қазіргі уақытта комиссия өз шешімдерін шығарады. Біздің тарапымыздан тек қана жәрдемдесу – психологиялық қолдау көрсету», - деді Еңбек миинстрі елордада «Өзгеріс дәуіріндегі еңбек нарығы» атты халықаралық конференция кулуарында.
Еңбек және халықты әлеуметтік қорғау вице-министрі Олжас Ордабаев оқиғаның тексеріліп жатқанын, мұнда Оқу-ағарту министрлігі Балалардың құқығын қорғау комитетінің пікірі маңызды екенін айтты.
«Мемлекет белгілеген барлық қолдау шаралары көрсетіледі, дегенмен мұндай жағдайда тергеу нәтижесін күту керек», - деді вице-министр.
Еске сала кетсек, кеше Аягөз қаласында жеке үйлердің бірінде өрт шығып, төрт баланың денесі табылды.
Қазір өлімнің себебі анықталуда. Тиісті сараптама тағайындалып, полиция тергеу жүргізуде.
![](/assets/thumbnails/9b/9bbe9431f21e169bec23246dd17b9444.jpg ""Табытта жатқандай": Ер адамды бесікке бөлеп, тербеткендер жұрттың ашуын тудырды")
