"Прогресс МС-24" жүк кемесі бар "Союз-2.1 а" зымыран тасығышын ұшыру 2023 жылғы 23 тамызға жоспарланған.
ERNUR.KZ. Халықаралық ғарыш станциясынан "Прогресс МС-24" ғарыштық жүк көлігі ұшырылады, деп жазады inbusiness.kz.
Байқоңыр филиалының мамандары ғарыш айлағында 2022 жылдың желтоқсан айынан бері сақталған кемені қайта іске қосты.
"Ғарыш айлағы 254-алаңының монтаждау-сынау корпусында "Прогресс МС-24" ғарыштық жүк көлігін сыртқы тексеру және борттық жүйелердің бастапқы жай-күйін бақылау жүргізілді. Күн батареялары панельдерін орналастыру тетіктері тексерілді және алдағы электр сынақтарына жерүсті жабдықтары дайындалды", - делінген хабарламада.
"Прогресс МС-24" жүк кемесі бар "Союз-2.1 а" зымыран тасығышын ұшыру 2023 жылғы 23 тамызға жоспарланған.
Байқоңыр ғарыш айлағынан бұған дейінгі ұшыру процесі 2023 жылдың 24 мамырында болды. Ол кезде ХҒС-қа "Прогресс МС-23" көліктік жүк кемесі аттанды.
Екі айдың ішінде ХҒС-қа станцияның және ғарышкерлердің өмірі үшін қажетті жүктері бар екі кеме жіберіледі. Қазір Халықаралық ғарыш станциясында 69-шы ұзақ экспедицияның экипажы жұмыс істеп жатыр. Оның құрамында Роскосмос ғарышкерлері Сергей Прокопьев (ХҒС-69 командирі), Дмитрий Петелин және Андрей Федяев, NASA астронавттар Франциско Рубио, Стивен Боуэн, Уоррен Хобург және БАӘ астронавты Сұлтан Әл-Нейади бар.
