Хаменова Абай ескерткішін орнатуға бөлінген қаражаттан пара алды деген күдікпен былтыр желтоқсанда ұсталған еді.
ERNUR.KZ. Атырау облысы әкімінің орынбасары Бақытгүл Хаменова 11 тамызда өткен сотта өзіне тағылған айыпты мойындамайтынын мәлім етті, деп жазады ҚазАқпарат.
Бақытгүл Хаменоваға қатысты іс Атыраудағы №2 қалалық сотта қаралып жатыр. Ол Абай ескерткішін орнатуға бөлінген қаражаттан пара алды деген күдікпен былтыр желтоқсанда ұсталды. Қылмыстық кодексінің 366-бабының 3-бөлігінің 3-тармағымен тергелген.
Бақытгүл Хаменова Атырау облысы әкімінің орынбасары қызметіне 2020 жылғы 13 наурызда тағайындалған. Одан бұрын парламент мәжілісінің депутаты болған.
