Балаларын сегіз жылдан соң қайтарып алды

0
476

Ата-ана құқығынан айырылған анаға сот сегіз жыл өткен соң төрт баланы қайтарып берді


Балаларын сегіз жылдан соң қайтарып алды

ERNUR.KZ. Істі Павлодар облысы кәмелеттік жасқа толмағандар ісі жөніндегі мамандандырылған ауданаралық соты қарады, деп жазады pavlodarnews.kz.

Отбасылық үлгідегі Кенжекөл ауылы, Песчан арнайы мектеп-интернаты және «Жас Ұрпақ» КММ-не талап арызбен Успен ауданының тұрғыны жүгінді. Әйел соттан төрт баланы: үш ұл мен қызын қайтаруды сұрады. Ең үлкен бала 17 жаста болса, кішісі - тоғызда. Сегіз жыл бұрын бейәлеуметтік мінез-құлқы үшін олардың анасын ата-аналық құқығынан айырған. Сол кезде кішісі бір жасқа да толмаған.

Сотта талапкердің өкілі әйел адамның тұрмысқа шығып, жұмысқа орналасқанын және әр балаға арналған бөлмесі бар үйді жалға алғанын айтты. Осы жылдар бойы ол балалар үйіне барып, киім мен керек заттар жеткізіп отырған. Қазір ол күйеуімен және үлкен ұлымен бірге отбасын қайтадан біріктіргісі келеді. Тұрғылықты жері мен жұмыс орны бойынша оң мінездеме берілген. Сот отырысында аудандық білім бөлімінің өкілі талап арызбен тек ішінара ғана келісті.

"Бүгінгі күні отбасы тұратын тұрғын үй жөндеуді қажет етеді, өйткені үй ұзақ уақыт қараусыз қалған. Тұрмыстық жағдайларын тексеру барысында үйде саңырауқұлақтар бар екені анықталды. Болашақта мұның барлығы балалардың денсаулығына кері әсер етуі мүмкін. Сондықтан жақсы жөндеу жұмысын жүргізіп, ауладағы қоқысты шығару керек. Талапкерге тұрғын үй мәселесін шешу қажет, өйткені қазір отбасы жөндеу жасайтын үйдің иесі бар. Ол ата-анасы қайтыс болғаннан кейін мұраны ресімдеуге ниетті" - деді білім бөлімінде.

Облыстық сот баспасөз қызметінің хабарлауынша, сот төрт баланың анасының талабын қанағаттандырған. Қазіргі уақытта кәмелетке толмаған балалар аталған отбасыға тәрбиелеуге берілген.


Айтар жаңалығыңыз, бөлісер оқиғаңыз болса, +77752327733 whatsapp нөміріне жіберіңіз

Пікір қалдыруыңыз үшін сайтқа кіруіңіз қажет