Барлық күдікті қамауда, ешкім жасырынған жоқ - Бас прокуратура Мәсімовтің ісі туралы

0
217

Журналистердің сұрақтарына жауап берген Шыңдалиев бұл істі ҰҚК "құпия" белгісімен тергейтінін түсіндірді.


Барлық күдікті қамауда, ешкім жасырынған жоқ - Бас прокуратура Мәсімовтің ісі туралы

ERNUR.KZ. Бас прокурордың орынбасары Әсет Шыңдалиев қаңтардағы тәртіпсіздіктерден кейін ұсталған ҰҚК экс-басшысы Кәрім Мәсімовтің ісіне қатысты пікір білдірді, деп жазады tengrinews.kz.

Журналистердің сұрақтарына жауап берген Шыңдалиев бұл істі ҰҚК "құпия" белгісімен тергейтінін түсіндірді.

"Материалдар таратылмайды. Бұл істерге рұқсаты бар прокурорлардың бірнеше адамы бар. Осы іс бойынша барлық күдікті қамауда, ешкім ешқайда кетпеді және жасырынып қалған жоқ. Іс аяқталды, материалдармен танысу жұмыстары басталды. Біз іспен танысу үшін процесс шектеулерін қойған жоқпыз", - деді Шыңдалиев.

Еске салайық, биыл 6 қаңтарда Ұлттық қауіпсіздік комитеті мемлекетке опасыздық жасау дерегі бойынша тергеуді бастады. Сол күні осы қылмысты жасады деген күдікпен ҰҚК-нің бұрынғы төрағасы Кәрім Мәсімов, оның орынбасарлары және ҰҚК-нің бірнеше өңірлік департамент басшылары - Әнуар Садықұлов, Дәулет Ерғожин, Марат Осипов, сондай-ақ, Д.Ақыпов пен Н.Бекмұрат ұсталған еді.

Ал шілдеде шекараны кесіп өтпек болған кезде Кәрім Мәсімовтің туысы әрі бұрын Павлодар облысы Полиция департаменті бастығы қызметін атқарған Нұрлан Мәсімов ұсталған болатын.