Букмекерлік кеңселер мен тотализаторлар салық органдарының назарында болады.
ERNUR.KZ. Еліміздегі 11 букмекерлік кеңсе мен тотализаторлар мәліметтерін салық органдарына беруге міндеттеледі, деп жазады azattyq-ruhy.kz.
Ол жерде бәс тігушінің жеке сәйкестендіру нөмірі, ұтыс сомасы мен нәтижесі, ойын шотындағы операциялары толық көрсетіледі. Жинақталған деректер құпия сақталады.
«Бұл қағидалар берілуге жататын мәліметтердің тізімін көздейді. Оның ішінде бәс тігуге қатысатын жеке тұлғалардың мәліметтері сондай-ақ, бәс тігу бойынша жалпы ақпарат. Сомалары, оның нәтижелері дегендей. Бұның құпиялылығы тиісті заңнама актілеріне, талаптарына сәйкес жүргізіледі», - деді ҚР мемлекеттік кірістер комитеті басқармасының басшысы Ерқанат Шыңберген.
Қадағалау шарасы 12 ақпаннан бастап күшіне енеді.
