Бес баланың өлімі: Үкімет басшысы көңіл айтты

0
1 914

Сонымен қатар Бақытжан Сағынтаев мұндай қайғылы жағдайды ешкімнің басына түспесін деп тіледі.


Бес баланың өлімі: Үкімет басшысы көңіл айтты


ERNUR.KZ.Үкімет басшысы Бақытжан Сағынтаев елордада өрттен көз жұмған балалардың ата-анасына көңіл айтты, деп жазады BAQ.KZ


«Отырысты жексенбіден дүйсенбіге қараған түні Астанада орын алған қайғылы оқиғадан бастағым келіп отыр. Өрт салдарынан бір үйдің өрімдей 5 баласы қаза болды. Жантүршігерлік жағдай, бір отбасының басына түскен ауыр қайғы. Ай мен күннің аманында бес бірдей баласынан айырылып қалған ата-анасына Құдай күш қуат берсін дейміз. Марқұм болған балалардың ата-анасына, туған-туыстарына қайғырып көңіл айтамыз», - деді премьер-министр Үкімет отырысында.

Сонымен қатар Бақытжан Сағынтаев мұндай қайғылы жағдайды ешкімнің басына түспесін деп тіледі.

Айта кетейік, 4 ақпан күні түнде «Сарыарқа» ауданындағы «Көктал-1» тұрғын үй алабында өрт шығып, онда жеке үйдің аумағындағы шағын үй жанып кеткен. Салдарынан 2006, 2009, 2014, 2016, 2018 жылы туған бес бала көз жұмды.

Пікір қалдыруыңыз үшін сайтқа кіруіңіз қажет