Нәресте шамамен 8-8,5 айлық болған.
ERNUR.KZ. Оқиға 2020 жылдың 23 қараша күні Қазталов ауданы Жаңажол ауылында болған. 4 ақпанда Казталов аудандық №2 соты жаңа туған сәбиін полиэтилен пакетке орап, көшедегі дәретханаға тастаған студент қызға қатысты үкім шығарды. 19 жастағы тұрғын 2 жылға бас бостандығынан айырылды, деп жазады azattyq-ruhy.kz.
Сотталушы кінәсін толық мойындап, жігітінің бала үшін жауапкершілік алудан бас тартқанын, жүкті екенін ата-анасына айтудан қорыққанын жеткізді.
Сот үкімімен Қазталов ауданы Жаңажол ауылының тұрғыны Қылмыстық кодексінің 100-бабы (Жаңа туған нәрестені анасының өлтіру) бойынша қылмыс жасағаны үшін кінәлі деп танылып, екі жылға сотталды.
Сараптама қорытындысы бойынша, баланың өліміне механикалық асфиксия себеп болған. Нәресте шамамен 8-8,5 айлық болған.
