Димаш Нью-Йорктегі жеке концерті қашан өтетінін айтты

0
49

Бұған дейін Димаш Құдайбергеннің АҚШ-та концерті өтетінін Мәдениет және спорт министрлігі хабарлаған болатын.


Димаш Нью-Йорктегі жеке концерті қашан өтетінін айтты

ERNUR.KZ. Қазақстан әнші Димаш Құдайберген АҚШ-тың Нью-Йорк қаласындағы жеке концерті қашан өтетінін айтты, деп жазады ҚазАқпарат.

«10 желтоқсанда АҚШ-тың Нью-Йорк қаласындағы Barclays Center стадионында жеке концертім өтетінін хабарлаймын. Билет сатылымы жақында басталады. Instagram парақшамды бақылап отырыңыздар», - деп жазды әнші Instagram-дағы парақшасында.

Айта кетсек, бұған дейін Димаш Құдайбергеннің АҚШ-та концерті өтетінін Мәдениет және спорт министрлігі хабарлаған болатын.

«АҚШ-та Мәдениет және спорт министрлігінің тікелей қолдауымен және ұйымдастыруымен Димаштың концерті өтеді. Бұл туралы Мәдениет және спорт министрі Ақтоты Райымқұлова айтты. Ерекше кездесу өткізген министр Димаш Құдайберген АҚШ-та жеке шығармашылық концертін беретінін жеткізді. Аты әлемге әйгілі өнер иесінің бұл кеші Нью-Йорк қаласында болмақ», - деді ҚР Мәдениет және спорт министрінің сол кездегі баспасөз хатшысы Айдар Қырықбайұлы.

Еске салсақ, Димаш Құдайберген жақында ғана елордада «Арнау» атты жеке концертін беріп , одан түскен қаржының бір бөлігін Арысқа көмек ретінде аударды. Сондай-ақ, бұған дейін оның Лондон мен Мәскеуде жеке өнер кештері өтті.


Айтар жаңалығыңыз, бөлісер оқиғаңыз болса, +77752327733 whatsapp нөміріне жіберіңіз

Пікір қалдыруыңыз үшін сайтқа кіруіңіз қажет