Джеки Чан жаңа фильмін Қазақстанда түсіруді жоспарлап отыр

0
596

Танымал актер Қазақстанды танытқан, мәдениеті мен табиғаты туралы көп қызықты жайттарды айтып берген Димаш Құдайбергенге үлкен рахметін жеткізді.


Джеки Чан жаңа фильмін Қазақстанда түсіруді жоспарлап отыр

ERNUR.KZ. Фильмнің продюсері мен Джеки Чан осы айда Нұр-Сұлтанға келеді деп күтілуде. Ал маусым айында команда локацияларды таңдап, қыркүйек-қазан айларында түсіруді бастауды жоспарлап отыр, деп жазады baq.kz.

Режиссёрдің айтуынша, фильм шытырман оқиғалы қызықты драмалық сюжет бойынша өрбиді. Фильмді түсіру жұмыстары Қазақстаннан бөлек Франция мен Израильде өтеді. Фильмнің толықтай актерлік құрамы әзірге жарияланған жоқ, жобаға Голливуд пен Қытай жұлдыздары қатысады.

"Сіздерде әртүрлі географиялық орындар бар: дала, орман, таулар. Түсірілім үшін бұл өте қажет", - деп атап өтті Джеки Чан.

Танымал актер алғаш рет Қазақстанға 2017 жылдың жазында келіп, қытай киносы фестивалінің ашылу рәсіміне қатысқан болатын.

"Сіздерге келгенге дейін мен Қазақстан туралы естігенмін. Димаш Құдайбергенге үлкен рахмет. Ол маған осы елдің халқы, мәдениеті мен табиғаты туралы көп қызықты жайтты айтып берді. Менің Қазақстанда жанкүйерлерімнің көп екеніне қуаныштымын", - деді Джеки Чан.

Осы жылдың сәуір айында Бейжіңде Джеки Чан мен Елбасы Нұрсұлтан Назарбаевтың кездесуі өтті. Әңгіме барысында қытай актері алдағы шығармашылық жоспары және киноиндустрия саласындағы бірлескен жобаларды жүзеге асыру жолдары туралы ой бөліскен еді.

Пікір қалдыруыңыз үшін сайтқа кіруіңіз қажет