Елімізде тыйым салынған есірткілік және психотроптық дәрілердің тізімі бекітілді

0
66

Тиісті қаулыға Қазақстан Республикасының премьер-министрі Асқар Мамин қол қойды.


Елімізде тыйым салынған есірткілік және психотроптық дәрілердің тізімі бекітілді

ERNUR.KZ. Қазақстан Республикасының үкіметі бақылауға алынатын есірткілік, психотроптық дәрілер мен прекурсорлардың тізімін бекітті, деп жазады ktk.kz.

Тиісті қаулыға Қазақстан Республикасының премьер-министрі Асқар Мамин қол қойды.

«Қазақстан Республикасының 1998 жылғы 10 шілдедегі "Есірткі құралдары, психотроптық заттар, олардың аналогтары мен прекурсорларын, олардың заңсыз айналымына және оны теріс пайдалануға қарсы күреске бағытталған шаралар туралы" Заңының 5-бабының 1-1-тармағына сәйкес, Қазақстан Республикасының үкіметі қаулы етеді:

1) Қазақстан Республикасында бақылауға жататын есiрткiлік, психотроптық заттардың және прекурсорлардың тiзбесi;

2) есірткілік, психотроптық заттардың, олардың аналогтары мен прекурсорларының заңсыз айналымы, шағын, ірі және өте үлкен мөлшерде жіктелуі туралы жиынтық кесте;

3) есірткі заттарының, психотроптық заттардың құрылымдық формуласындағы сутегі атомдары, галогендер және (немесе) гидроксил топтарының орнын басатын заттар тізімі.

Бұл шешім 2019 жылдың 5 шілдесінен бастап күшіне енеді және ресми жариялануға жатады.

Есірткі заттарының тізіміне зат қосу мынадай негіздердің бірінде жүзеге асырылады: Біріккен Ұлттар Ұйымының есірткіге қарсы халықаралық бақылау кеңесінің ұсыныстары қабылданған кезде; Еуразиялық экономикалық одақ елдерінде бақылауға жататын есірткілік, психотроптық заттардың және прекурсорлардың тізімдері, кестелері бар зат болған жағдайда.

Наркологиялық заттардың тізіміне 73 дәрі кіреді: аллилпродин, альфамепродин, бензетидин, героин, гашиш, метадона , норморфин, фенадоксон т.б.

Бақыланатын психотроптық заттар мен прекурсорлардың тізіміне 61 атау кіреді, оның ішінде синтетикалық каннабиноидтер, аминорекс, метакалоне, парексил және т.б. бар.

Медициналық мақсаттарда қолданылатын және бақылаудағы есірткі және психотроптық заттар да көрсетілген.


Айтар жаңалығыңыз, бөлісер оқиғаңыз болса, +77752327733 whatsapp нөміріне жіберіңіз

Пікір қалдыруыңыз үшін сайтқа кіруіңіз қажет