Ұлттық тасымалдаушы компания жолаушыларға сапарды алдын ала жоспарлап, жол жүру билетін ертерек алуды ескертеді
ERNUR.KZ. «Жолаушылар тасымалы» АҚ алдағы жаз маусымында қосымша пойыздарды іске қосады. Бұл туралы Ұлттық тасымалдаушы компанияның баспасөз орталығы хабарлады, деп жазады almaty.tv.
№207/208 «Алматы – Шымкент» бағыты бойынша қатынайтын жолаушылар пойызы 13 маусым мен 30 тамыз аралығында аптасына екі рет жүреді.
№205/206 «Маңғыстау – Бейнеу» бағыты бойынша жүретін жолаушылар пойызы 10 маусымнан бастап 30 тамызға дейін күнара қатынайды.
Сондай-ақ, 30 маусымнан бастап тамыздың 30-ына дейінгі аралықта «Нұр-Сұлтан – Достық» бағытында жүретін қосымша пойыз іске қосылады деп күтілуде.
Ұлттық тасымалдаушы компания жолаушыларға сапарларын алдын ала жоспарлап, ертерек жол жүру билеттерін алуды ескертеді.
![Қазақстанда](/assets/thumbnails/f2/f2cad61470e5aea8e5b53e70a6199c4b.jpg "Қазақстанда "Наурыз" атты жаңа тұрғын үй бағдарламасы іске қосылады")
