Елордада Есіл өзеніне батқан ер адам құтқарылды

0
42

Қазіргі уақытта ер адамның жағдайы бірқалыпты.


Елордада Есіл өзеніне батқан ер адам құтқарылды

ERNUR.KZ. Астаналық ТЖ департаментінің қызметкерлері Есіл өзеніне батқан ер адамды құтқарды, деп жазады ҚазАқпарат.

«12 маусым күні сағат 11.28-де «112» жедел нөміріне Жедел басқару орталығынан Сана ТК қарама-қарсы Есіл өзеніне бір адамның суға кеткені жөнінде хабарланды», - делінген ресми хабарламада.

Оқиға орнына сол маңда патрульдеп жүрген Орталық өңірлік аэромобильді жедел құтқару жасағының құтқарушысы катермен жіберілген.

Нәтижесінде құтқарушылар - Абылайхан Өмірбаев, Ержан Қабылов және Дәурен Қайыров суға кеткен ер адамды тапты. А. Өмірбаев суға секіріп, ер адамды катерге жеткізді. Е. Қабылов пен Д. Қайыров есінен танған тұрғынға алғашқы медициналық көмек көрсетті. Қазіргі уақытта ер адамның жағдайы бірқалыпты, ауруханаға жатуды қажет етпеді.

Кейінірек анықталғандай, 1975 жылы туған ер адам өзен жағасында спиртті ішімдік ішкен және шомылуға рұқсат етілмеген жерде суға түскен. Судың ағысына төтеп бере алмай, бата бастаған. Құтқарушылар жедел әрекет ету арқылы қайғылы оқиғаның алдын алды.


Айтар жаңалығыңыз, бөлісер оқиғаңыз болса, +77752327733 whatsapp нөміріне жіберіңіз

Пікір қалдыруыңыз үшін сайтқа кіруіңіз қажет