Елордалық мемлекеттік қызметкерлер Арыс қаласында зардап шеккендерге 200 миллион теңге аударды

0
155

Бұл туралы Нұр-Сұлтан қаласының әкімі Алтай Көлгінов әлеуметтік парақшасында жазды.


Елордалық мемлекеттік қызметкерлер Арыс қаласында зардап шеккендерге 200 миллион теңге аударды

ERNUR.KZ. Мемлекеттік органдардың, қалалық мекемелер мен кәсіпорындардың қызметкерлері бір күндік жалақысын, яғни жалпы соммасы 200 млн теңгені Арыс қаласының зардап шеккен тұрғындарына аударды, деп жазады Tengrinews.kz.

Мемлекет басшысының тапсырмасымен Арыс қаласының тұрғындарына көмек көрсету және қаланы қалпына келтіру бойынша жұмыстар жүргізіліп жатыр.

Нұр-Сұлтан қаласы әкімінің орынбасары Нұрлан Нүркенов құрылыс бригадасымен бірге бүгін Арыс қаласына барады.

"Түркістандық әріптестерімен бірге қираған тұрғын үйлер басқа да инфрақұрылым объектілерін қалпына келтіруге көмектесетін болады. Онда шатырлы лагерь орнатылып, инженер мамандары бірден іске кіріседі", - деді әкім.

Сонымен қатар, елордада Арыс қаласының 500 баласы үшін жазғы демалыс өткізуді қолға алынды. Оларға елорданың көрікті жерлері бойынша экскурсиялар, концерт бағдарламалары өткізіледі. Балалар үймен, қажетті заттармен, киіммен, мектепке қажет құрал-жабдықтармен қамтамасыз етіледі.

"Халықтың бірлігі осындай қиын сәттерде танылады. Еліміздің әрбір азаматы Арыс қаласының тұрғындарына алаңдаушылық білдіріп отыр. Өз кезегінде астаналықтар зардап шеккендерге көмек көрсетуден шет қалмайды", - деп қорытты Алтай Көлгінов.


Айтар жаңалығыңыз, бөлісер оқиғаңыз болса, +77752327733 whatsapp нөміріне жіберіңіз

Пікір қалдыруыңыз үшін сайтқа кіруіңіз қажет