Жоба "Ашық НҚА" порталында жарияланды және 11 қазанға дейін талқылау үшін қолжетімді.
ERNUR.KZ. Енді қазақстандық банктер несие төлемін кешіктірген қарыз алушыларға белгілі бір уақыт аралығында ғана қоңырау шала алады, деп жазады stan.kz.
Банк қызметтерін көрсетудің жаңартылған ережелерін Қаржы нарығын реттеу және дамыту агенттігі дайындаған. Жоба "Ашық НҚА" порталында жарияланды және 11 қазанға дейін талқылау үшін қолжетімді.
Бұрын қарыз алушымен заңнамалық деңгейде өзара әрекеттесу ережелері тек өндіріп алушылар үшін белгіленген болса, енді банк қызметкерлері үшін де осындай алгоритм пайда болмақ, ережеге сәйкес олар борышкерлерге белгілі бір уақытта ғана хабарласа алады:
- қарыз алушының тұрғылықты жері немесе орналасқан жері бойынша жұмыс күндері сағат 8:00-ден 21:00-ге дейін;
- аптасына үш реттен көп емес және жеке байланыста жұмыс күндері сағат 8:00-ден 21:00-ге дейінгі кезеңде бір реттен жиі емес;
- банктің бастамасы бойынша телефон арқылы қоңырау шалу жұмыс күндері сағат 8:00-ден 21:00-ге дейінгі кезеңде үш реттен көп емес;
- дыбыс жазбасы бар аудио немесе бейне жабдығын пайдалана отырып, өзара әрекеттесу процесін сақтап алу.
Сонымен қатар, құжатта банк жарнамаларына да жаңа талаптар енгізілді. Мысалы, енді несиелерді жарнамалау кезінде ең жоғары пайыздық мөлшерлемелердің ауқымын көрсету қажет.
