​Ешкі фермасын басқаратын 27 жастағы қыз Назарбаевтан жер сұрады

0
407

Қазақстан президенті жастардың бұл ойын қолдады.


​Ешкі фермасын басқаратын 27 жастағы қыз Назарбаевтан жер сұрады

ERNUR.KZ. Қазақстан алманың тарихи отаны екенін "Ұлы даланың жеті қыры" мақаласынан оқып білген Тамила Розметова Астанада алма бағын ашқысы келеді, деп жазады sputniknews.kz.

Бүгін Жастар жылының салтанатты ашылу рәсімінде 27 жастағы Тамила Розметова сөз сөйлеп, мал шаруашылығы туралы айтты. Тамила 2013 жылдан бері еліміздегі ең үлкен ешкі фермасын басқарады.

"Сарайшық" асыл тұқымды мал шаруашылығын басқарамын. Біздің фермада мыңнан астам ешкі бар. Біз экспорт форматындағы сүт өнімінің 15-тен астам түрін шығарамыз", — деді ол.

Айтуынша, зауытта 80-нен астам адам жұмыс істейді. Олардың 94 проценті – 26 жасқа дейінгі жастар.

Тамиланың хоббиі ірімшік қайнату екен.

"Мен әртүрлі ірімшік түрлерін жасаймын. Солардың бірін туған өлкемнің құрметіне "Атырау" ірімшігі деп атадым", —дейді кәсіпкер.

Ол Қазақстан алманың тарихи отаны екенін Елбасының "Ұлы даланың жеті қыры" мақаласынан оқып білгенін айтты.

"Сондықтан жастар жылы біз нақты жобаларды қолға алғымыз келеді. Осы көктемде Астанада алма бағын отырғызсақ деген ниетіміз бар. Аязға да, желге де шыдайтын алманың 4 сұрыбын дайындап қойдық. Осы ойымызды іске асыру үшін, сізден Астанадан ең болмаса бір гектар шамасында жер беруді сұраймыз", — деген өтінішін айтты қыз.

Қазақстан президенті жастардың бұл ойын қолдады.

"Астана әкімі осында ма, қазір қағазға жазып алып, қолдау көрсетеді", — деді Нұрсұлтан Назарбаев.


Айтар жаңалығыңыз, бөлісер оқиғаңыз болса, +77752327733 whatsapp нөміріне жіберіңіз

Пікір қалдыруыңыз үшін сайтқа кіруіңіз қажет